Մոսկվան հույս ունի` ԱՄՆ պատվիրակության այցը ՌԴ կշարունակվի. Պեսկով

Մոսկվան հույս ունի, որ Ջարեդ Քուշների և Սթիվ Ուիթքոֆի այցերը Ռուսաստան՝ ուկրաինական կարգավորման շրջանակում, կշարունակվեն, հայտարարել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ Կրեմլում առայժմ չեն կարող ասել, թե երբ կկայանա ամերիկացի բանակցողների հաջորդ այցը ՌԴ։

Այդ հայտարարությունը հաջորդել է The New York Times-ի հրապարակմանը, որտեղ հաղորդվում էր Ուիթքոֆի և Քուշների՝ ռուսական ղեկավարության հետ նոր հանդիպումներ անցկացնելու մտադրությունների մասին:

Ուիթքոֆի և Քուշների վերջին շփումը Վլադիմիր Պուտինի հետ տեղի է ունեցել Կրեմլում հունվարի 22-ին։ Ռուսական կողմը հույս ունի պահպանել այդ բանակցային խողովակը: