Մոսկվան Սիրիայի հարցում ԱՄՆ-ի հետ ավելի արդյունավետ համագործակցության հույս ունի. Լավրով

Պաշտոնական Մոսկվան հույս ունի, որ ԱՄՆ նորընտիր նախագահ Դոնալդ Թրամփի երդման արարողությունից հետո Ռուսաստանը և ԱՄՆ-ն ավելի էֆեկտիվ կհամագործակցեն սիրիական հակամարտության կարգավորման հարցում: Այս մասին  մամուլի ասուլիսում ասել է ՌԴ ԱԳՆ ղեկավար Սերգեյ Լավրովը. հայտնում է Газета.ру-ն:

Նա նշել է , որ Ռուսաստանը նպատակահարմար է համարում հրավիրել ԱՄՆ-ի և ՄԱԿ-ի ներկայացուցիչներին` մասնակցելու Աստանայում Սիրիայի հարցով հանդիպմանը:

«Դոնալդ Թրամփն արտաքին քաղաքականությունում առաջնահերթություն է անվանել ահաբեկչության դեմ պայքարը, և ես հույս ունեմ, որ սիրիական ճգնաժամի կարգավորման, ինչպես նաև այլ խնդիրների հարցում փոխգործակցությունն ավելի արդյունավետ կլինի, քան Օբամայի վարչակազմի ժամանակ»,- ասել է Լավրովը: