Եթե Իսրայելը շարունակի կրակի հետ խաղալ, այնպես կանենք՝ դաս քաղի. Էրդողանի և Նեթանյահուի փոխադարձ զգուշացումները

Թուրքիայի նախագահ Ռեջեփ Թայիփ Էրդողանը ուղերձով զգուշացրել է Իսրայելին.
«Եթե Իսրայելը շարունակի կրակի հետ խաղալ և խոչընդոտել տարածաշրջանում խաղաղության գործընթացին, մենք այնպես կանենք, որ Իսրայելը դաս կքաղի։

Լիբանանի և Իրանի վրա ցանկացած հարձակում այսուհետ կհամարվի հարձակում Թուրքիայի վրա»,-նշել է նա։

Իսրայելի վարչապետ Բենիամին Նեթանյահուն իր հերթին Ռեջեփ Թայիփ Էրդողանի մասին ասել է.
«Իմ ղեկավարությամբ Իսրայելը կշարունակի պայքարել իրանական ահաբեկչական ռեժիմի և նրա լիազորված ուժերի դեմ, ի տարբերություն Էրդողանի, ով օգնում է նրանց և նույնիսկ զանգվածային սպանություններ է կատարում իր սեփական քուրդ քաղաքացիների դեմ»։

Թուրքական իշխանությունները, ըստ լուրերի, ձերբակալման օրդեր են տվել Նեթանյահուին, երբ նա մեղադրել է Թուրքիայի նախագահ Ռեջեփ Թայիփ Էրդողանին քրդերի դեմ ցեղասպանություն իրականացնելու մեջ։