Թուրքիան անտեսում է մեր զգուշացումները. ԱՄՆ պետդեպ

ԱՄՆ պետդեպի խոսնակ Ջոն Քիրբին հայտարարել է, որ Թուրքիայի կառավարությունը, անտեսելով իրենց և միջազգային հանրության զգուշացումները, շարունակում է իր իսկ երկրի Սահմանադրությանը հակասող որոշումներ կայացնել. տեղեկացնում է Demokrathaber-ը:

«Եթե հարցնեք՝ դա մեզ մտագոհո՞ւմ է, թե՞ ոչ, կպատասխանենք՝ այո»,- ասել է ԱՄՆ պետդեպի խոսնակը:

Թուրքական Zaman-ի խմբագրությունում տեղի ունեցած ոստիկանական գործողություններին և դրանց հաջորդած ցույցերի ընթացքում ոստիկանության միջամտությանն անդրադառնալով՝ Քիրբին խիստ քննադատել է Թուրքիայի կառավարությանը և մի շարք ԶԼՄ-ների՝ բարձր գնահատելով Թուրքիայում ԱՄՆ դեսպան Ջոն Բաասի տարած աշխատանքները:

«Նախագահ Բարաք Օբաման և ԱԳ նախարար Ջոն Քերին Բաասի աշխատանքներին աջակցում են և նրա նկատմամբ մեծ վստահություն ունեն»,- նշել է նա՝ հավելելով, որ Թուրքիան ժողովրդավարության սկզբունքներին դեմ որոշումներ է կայացնում: