Ուկրաինական դրոնները գիշերը կրկին հարձակվել են «Թուրքական հոսքի» օբյեկտի վրա

«Գազպրոմը» հայտնել է «Ռուսկայա» կոմպրեսորային կայանի վրա հարձակվելու Կիևի նոր փորձի մասին. կայանն ապահովում է գազի մատակարարումը «Թուրքական հոսքով»:

Գիշերը երեք անօդաչու թռչող սարքեր հարձակվել են կայանի վրա, սակայն հարձակումը հաջողվել է հետ մղել՝ օբյեկտին վնաս չկա։

«ՌԴ պաշտպանության նախարարության ուժերի և շարժական օպերատիվ խմբերի համատեղ գործողություններով հարձակումը հետ է մղվել, «Գազպրոմ» ընկերության օբյեկտի խոցումը թույլ չի տրվել, - ասվում է հաղորդագրության մեջ:

Այս միջադեպը հերթականն է Ռուսաստանի էներգետիկ ոլորտի օբյեկտների վրա հարձակումների շարքում։ «Ռուսկայա» կայանն արդեն հարձակման էր ենթարկվել մարտի 12-ին։