«Հարկ եղած դեպքում կյանքի գնով ծառայել հայրենիքին»․ Պռոշյանի «Զորաց» պանթեոնում նորագիրները երդվեցին ու համալրեցին ՀՅԴ շարքերը

Պռոշյանի «Զորաց» պանթեոնում  մի շարք երիտասարդներ երդում տվեցին և անդամագրվեցին Հայ Հեղափոխական Դաշնակցությանը։  ՀՅԴ շարքերն անցնելու ավանդույթով՝ երդումից առաջ ևս մեկ անգամ հնարավորություն տրվեց վերջին անգամ մտածելու և վճռական «Այո»-ն ասելու։ Երիտասարդները պատրաստակամություն հայտնեցին անցնելու ՀՅԴ մեծ ընտանիքի շարքերը։

Նրանք պատվով ու հայրենիքով երդվեցին միշտ հավատարիմ մնալ ՀՅԴ ծրագրին, կանոնագրին և որոշումներին, նաև բոլոր ուժերով, երե հարկ լինի՝ նաև կյանքի գնով, ծառայել Հայաստանի և հայության ազատագրության դատին։

Երդման կնքահայրը  ՀՅԴ Հայաստանի ԳՄ անդամ, ազատամարտիկ Իգոր Սարգսյանն է, ով, քաղաքական բռնաճնշումների հետևանով այս պահին գտնվում է ապօրինի կալանքի տակ։

Նա գրավոր ուղերձ էր հղել նորգիրներին։

Իգոր Սարգսյանի ուղերձը՝ ստորև․

«Ողջու՛յն Հայկյան սերունդ,

Իմ սիրելի ՀՅԴ երիտասարդական և ուսանողական միությունների ընկերներ, պատվի և հայրենիքի պատասխանատու տերեր: Ուրախ եմ, որ ամբողջ աշխարհից այսօր հավաքվել եք հայրենիքում հերթական անգամ նորոգելու հավատարմության ուխտը, մեր նախնիների տան և նախնիների հանդեպ։

Գիտեք Արարիչը ստեղծել է տիեզերքը մեծագույն ճշգրտությամբ և մեր մոլորակը նրա մեջ։ Ստեղծել է շարունականությունը, և Յուրաքանչյուրը ապրում է իր ցեղի, շարունակականությունը անսահմանության մեջ, և իր տեսակի մեջ։ Հայ ժառանգին բաժին հասավ Հայկական բարձրավանդակը և մի մեծ առաքելություն՝ ապրել և ապրեցնել Արարչին իր մեջ, և պայքարել իր տեսակի իր ազգի լինելիության համար: Հայ կյանքի անվտանգության պատասխանատվությունը ժամանակի ընթացքով փոխանցվեց Հայ Հեղափոխական Դաշնակցությանը:

Դաշնակցությունը արդեն 135 տարի պատվով տանում է իրեն բաժին հասած խաչը: Բազմահազար նվիրյալների շնորհիվ մեր ազգը կարողացավ Հային և Հայաստանը բերել այսօր։ Մեր Սերունդը այդ ճանապարհին ճաշակեց Արցախի ազատագրության հաղթանակի բերկրանքը, պատիվը, հպարտությունը նաև նրա ժամանակավոր կորստի ցավն ու դառնությունը: Հայոց ինքնությունը նորից վտանգի մեջ է։ Այսօր մեր շարքերը եկել են համալրելու նորերը՝ ավելի ուժեղները: Նպատակը անփոփոխ է:

Սիրելի ընկերներ, այսօր դուք բարդ որոշում եք կայացնում՝ երդվում եմ պատվովս և հայրենիքովս: Խնդրում եմ կանգ առեք մի պահ, խոսեք ձեր հոգու և բանականության հետ, և չխաբեք ձեզ, չամաչեք, եթե պատրաստ չեք` ասեք։

Դաշնակցականի ճանապարհները փշոտ են, քարքարոտ, զրկանքներով լի: Կամք, վճռականություն և համառություն են պահանջում։ Եթե վճռեցիք, ձեզ մաղթում եմ կամք, սկզբունքայնություն, հավատ և նվիրվածություն։ Արժանի լինեք հերոս նվիրյալներին ապրեցնողների բարձր կոչմանը։ Սիրում եմ ձեզ, հայոց մեծ ընտանիքը և միացյալ Հայաստանը: Ուրեմն առաջ նահատակ ցեղի անմահներ:

Բարի գալուստ Դաշնակցություն»