Որտե՞ղ է Մարտուն Գրիգորյանը՝ նրա տեղը հայտնի չէ

«Հրապարակ»-ը գրում է․ «Գյումրիում տեղի ունեցած ընտրություններից հետո մարդիկ շունչը պահած սպասում են Մարտուն Գրիգորյանի որոշմանը՝ եթե միանա Վարդան Ղուկասյանին, կհաղթի ընդդիմությունը, չմիանա՝ ՔՊ-ն: 

«Հրապարակի» լրագրողն այս պահին Մարտուն Գրիգորյանի շտաբում է։ Մեր նկարահանող խումբը գնացել էր նրա տեսակետը լսելու և հասկանալու՝ ո՞ւմ  է նա նախապատվությունը տալու՝ ընդդիմադիր թեկնածուի՞ն, թե՞ ՔՊ-ական Սարիկ Մինասյանին: Եւ ինչ քաղաքական զարգացումներ են սպասվում Գյումրիում։

Պարզվեց, Մարտուն Գրիգորյանն իր շտաբում չէ, ավելին՝ նրա թիմակիցներից որևէ մեկը չկա, որ մեկնաբանություն վերցնենք:

Արդեն շուրջ 40 րոպե մեր լրագրողը գտնվում է այստեղ, սպասում է ավագանի անցած թիմի ղեկավարին։

Հիշեցնենք, որ ավագանի անցած ուժերը եւ թեկնածուներն արդեն իրենց տեսակետը հրապարակել են, հայտնել են, որ պատրաստ են համախմբվելու, միայն ինքն է մնացել, որ չի հայտնել իր դիրքորոշումը։ Առավել ևս, որ իր դիրքորոշումից է կախված` ՔՊ֊ն Գյումրիում կմնա՞ իշխանության, թե՞ կզրկվի իշխանությունից»։