Իշխանությունը ոստիկանության համար կանաչ լույս է վառել՝ դաժան վարվելու հայրենասերների հետ․ Աստղիկ Գալեյան

Այս պահին Քննչական կոմիտեի դիմաց են հավաքվել մեծ թվով քաղաքացիներ՝ սատարելու և իրենց դժգոհությունը հայտնելու՝  արցախցի  Տիգրան Ուլուբաբյանի  նկատմամբ կատարվածի վերաբերյալ։  

Նշենք, որ Տիգրան Ուլուբաբյանի նկատմամբ Ոստիկանության Լոռու մարզային վարչությունում կատարված բռնության դեպքով Քննչական կոմիտեն քրեական վարույթ է հարուցել՝ մի խումբ անցանձ կողմից խոշտանգման հոդվածով:  

Ներկայում Տիգրան Ուլուբաբյանին կանչել են Քննչական կոմիտե՝ երկրորդ անգամ հարցաքննելու, որի արդյունքից էլ պարզ կլինի խոշտանգում իրականացրած ոստիկանների որպիսությունը  և նրանց արարքի ոչ իրավաչափ լինելը։

Հիշեցնենք, որ արցախցի Տիգրան Ուլուբաբյանին կանչել էին սկզբում Քննչական կոմիտե, իսկ հետո՝ Ոստիկանության Լոռու մարզային վարչություն, հարցաքննել՝ մեղադրելով նրան, թե կապ ունի ենթադրյալ հանցագործների հետ: Տիգրան Ուլուբաբյանի փաստաբան Ռոման Երիցյանը հայտարարել է, որ, փաստացի, արցախցի երիտասարդի նկատմամբ խոշտանգում է տեղի ունեցել։ Ոստիկանության Լոռու մարզային վարչությունում նրա նկատմամբ բռնություն են կիրառել, հայհոյանքներով ու անհարգալից վերաբերմունքով ստիպել խոստովանական ցուցմունք տալ: