Մենք՝ հայերս, շարունակելու ենք տեր կանգնել մեր պատմությանը, մեր պատմական հիշողությանը և մեր պատմական տարածքներին

Արեւմտահայոց հարցերի ուսումնասիրության կետրոնի գիտաշխատող, թյուրքագետ, պատմական գիտությունների թեկնածու  Մելինէ Անումեանը գրում է.

«Պարզվում է՝ թուրք և ադրբեջանցի լրագրողները չեն կարողացել անտարբեր անցնել շաբաթներ առաջ Հռոմի Կոլիզեյում ներկայացված ցուցադրությանը Թուրքիայի Մշակույթի նախարարության կողմից ներկայացված քարտեզում Հայաստանի բացակայության մասին մեր արձագանքի կողքով․․․

Մասնավորապես Ֆուադ Սաֆարովը ոչ միայն անդրադարձել է քարտեզում Հայաստանի վերականգնման ուղղությամբ Իտալիայում ՀՀ դեսպանատան կատարած աշխատանքին, այլ նաև՝ իմ մեկնաբանությանը, ըստ որի՝ Գյոբեքլիթեփեն հայկական Պորտասարն է, որի անվանումն անգամ բառացիորեն թարգմանված է հայերենից․․․

Այո, մենք՝ հայերս, շարունակելու ենք տեր կանգնել մեր պատմությանը, մեր պատմական հիշողությանը և մեր պատմական տարածքներին․․․»: