Տնտեսական աճի հիմնական պտուղները վայելում են բանկային և օլիգարխիկ համակարգերը. Սուրեն Պարսյան

Վերջին 5 տարվա ընթացքում Հայաստանի տնտեսական քաղաքականության մեջ կտրուկ փոփոխություններ չեն եղել, բանկային և օլիգարխիկ համակարգերի շահերը սպասարկվում էին և՛ նախկինում, և՛ հիմա, հենց նրանք են վայելում տնտեսական աճի հիմնական պտուղները։ Այս մասին «ԵՄ-ԵԱՏՄ. Քաղաքակա՞ն, թե՞ տնտեսական ընտրություն» պանելային քննարկման ընթացքում ասաց տնտեսագետ, ՀՅԴ անդամ Սուրեն Պարսյանը։

«Մինչդեռ փոքր և միջին բիզնեսի ներկայացուցիչների մոտ, եթե անգամ աճ է արձանագրվել, ապա նրանք միևնույն է հարաբերական իմաստով խնդիրներ ունեն, քանի որ ծախսերը ևս բավական արագ են աճել»։

Նրա գնահատմամբ, Հայաստանի համար ստեղծված է հնարավորություն՝ մեզ համար նոր շուկաներ գտնելու համար։ «Եթե բաց թողնենք այս հնարավորությունը երկար տարիներ նման հնարավորություն չենք ունենալու»։

«Այստեղ այլևս իշխանության և ընդդիմության հարց չէ, մենք պետք է դիտարկենք նաև Թուրքիայի հետ ենթակառուցվածքների ապաշրջափակման հարցը և դադարենք խոսել այն մասին, որ պետք է միայն հարաբերվենք միայն Ռուսաստանի ու Իրանի հետ։ Մեր տնտեսական քաղաքականությունը պետք է հիմնված լինի թվերի ու փաստարկների վրա ու զգացմուները պետք է զսպենք, որպեսզի կարողանանք որոշակի ճիշտ կանխատեսումներ առաջարկենք»։