Իրանի ԱԳՆ ղեկավարը Գազայի հիվանդանոցի վրա հարձակումը ցեղասպանություն է որակել

Իրանի արտաքին գործերի նախարար Հոսեյն Ամիր Աբդոլլահիանը դատապարտել է Գազայի Ալ-Ահլի հիվանդանոցի վրա հարձակումը և այն անվանել ցեղասպանություն՝ կատարվածի համար մեղադրելով Իսրայելին։ Այս մասին հայտարարել է Իսլամական Հանրապետության արտաքին գործերի նախարարությունը Քուվեյթի իր գործընկեր Սալեմ Աբդուլլահ ալ-Ջաբեր ալ-Սաբահի հետ հանդիպման արդյունքներով, գրում է ՏԱՍՍ-ը։

«Շնորհակալություն հայտնելով Քուվեյթին՝ ընթացիկ իրադարձությունների սկզբից ի վեր Պաղեստինին աջակցելու իր հաստատակամ դիրքորոշման համար, նա հայտարարեց, որ Սիոնիստական ռեժիմի հարձակումները Գազայի վրա պետք է անհապաղ դադարեցվեն, և անհրաժեշտ է սկսել մարդասիրական օգնություն ուղարկելը Գազայի ճնշված և պաշարված ժողովրդին»,-ասվում է Իրանի ԱԳՆ Telegram ալիքում հրապարակված հայտարարության մեջ։