ՄԱԿ-ը 2023 թ.-ի ամառն ամենաշոգն է անվանել դիտարկումների պատմության մեջ

Ըստ ՄԱԿ-ի Համաշխարհային օդերևութաբանական կազմակերպության՝ Երկիրը 2023 թվականի ամռանն  ապրել է ռեկորդային ամենաշոգ երեք ամիսը:

«Մեր մոլորակը հենց նոր  եռման սեզոն է վերապրել՝ դիտարկումների պատմության ընթացքում  ամենաշոգ ամառը», - ՄԱԿ-ի գլխավոր քարտուղար Անտոնիո Գուտերեշի խոսքերն է մեջբերել  կազմակերպությունը: Նա հիշեցրել է, որ աշխարհում սկսվել է կլիմայական ճգնաժամ, որը պահանջում է աշխուժացնել համատեղ ջանքերը։

Ըստ օդերևութաբանական կազմակերպության, անցած օգոստոսը 2023 թվականի հուլիսից հետո պատմության մեջ երկրորդ ամենաշոգ ամիսն էր: Copernicus ծառայության տվյալներով, օգոստոսին ջերմաստիճանը, ըստ Ցելսիուսի, բարձրացել է ավելի քան 1,5 աստիճանով՝ համեմատած մինչարդյունաբերական շրջանի միջին ցուցանիշների հետ: Ընդհանուր առմամբ, 2023 թվականը երկրորդ ամենաշոգ տարին էր 2016 թվականից հետո:

Օգոստոսին է գրանցվել նաև համաշխարհային օվկիանոսի մակերևույթի  ռեկորդային միջին ջերմաստիճանը՝ 20,98 աստիճան, ըստ Ցելսիուսի։