Մեր թիմը անվանել ենք՝ «Հայաստանի պատմության մեջ լավագույն քաղաքական հավաքականը»․ Վ․ Սողոմոնյան

Քարոզարշավից ընդհանուր առմամբ գոհ ենք։  Այս մասին «Հայաստան» դաշինքի ամփոփիչ ասուլիսի ընթացքում ասաց Ռոբերտ Քոչարյանի գրասենյակի ղեկավար Վիկտոր Սողոմոնյանը և դաշինքի անունից գոհունակություն հայտնեց քաղաքացիներից՝ բարձր ընդունելության համար։

«Մենք քարոզարշավի համար երեք նպատակ ենք դրել։ Առաջինը՝  ծրագրի  ներկայացուցմն է ժողովրդին։ Այն որոշ մասերով լրացումներ է պահանջում, որը կձևավորվի ընտրողների հետ հանդիպումներից հետո։ Երկրորդը ՝ ուզում էինք ներկայացնել մեր թիմը։ Այն  ի սկզբանե անվանել ենք Հայաստանի պատմության մեջ լավագույն քաղաքական հավաքականը։ Կարծում եմ կարողացել ենք դա անել։ Երրորդը ՝ուզում էինք վերադարձնել քաղաքակիրթ քաղաքական դիսկուրս (քննախոսություն), որը հաջողվեց։  Քաղաքական դիսկուրսը նորից վերադարձել է քաղաքական դաշտ։ Հասարակությունը լսում է քաղաքական ծրագրեր և քննարկում երկրի ապագան»,-ասաց  Սողոմոնյանը։

Նրա դիտարկմամբ՝ նպատակ ունեին նաև, որ ժողովուրդը սկսեր թացն ու չորը տարբերել։

«Ուզում էինք մարդիկ գիտակցեին՝ այն մեղադրանքները,որոնք տարիներ շարունակ հնչել են և դաշինքի ղեկավարի, և այլ անդամների հասցեին, սին  էին։ Այն մթնոլորտը,որը առկա է հանրահավաքների, հանդիպումների ընթացքում, որի աղբյուրը Հայաստան» դաշցնքն է, կարելի միայն գոհունակություն հայտնել»,- ասաց նա։ 

Մինչդեռ Սողոմոնյանի գնահատմամբ՝ իշխանական թևն անում է լրիվ հակառակը։

«Հոխորտանքների շարքը, մուրճի պատմությունը, «տեղական տուրիզմի զարգացումը», երբ քաղաքից մարդկանց վերցնում են և պտտում են հանրապետությունով մեկ, այդ ֆոնի վրա «Հայաստան» դաշինքին հաջողվեց տարանջատման դրսևորումներին հասնել, մարդիկ լավ հասկանում են ով-ով է»,- ավելացրեց նա։