ԱՆ-ն կքննարկի «Անպտղության հաղթահարման» ծրագրի շահառու հանդիսացող սահմանամերձ գյուղերի բնակիչներին արտոնություններ տրամադրելու հարցը

Օրերս հարցում էի ուղարկել Առողջապահության նախարարությանը՝ առաջարկելով, որ «‎Անպտղության հաղթահարման» ծրագրի շահառու հանդիսացող սահմանամերձ գյուղերի բնակիչների համար բացի 1-ին անվճար արտամարմնային բեղմնավորման փորձի հնարավորությունից, երկրորդ փորձի դեպքում սահմանվի եթե ոչ անվճար, ապա գոնե առավել մատչելի և հասանելի վճար։

Նշենք, որ խոսքը 600-650 հազար դրամի մասին է, ինչը բավականին մեծ գումար է հատկապես սահմանին ապրող մեր հայրենակիցների համար։

Առողջապահության նախարարությունից ստացանք պատասխան, որ մեր առաջարկը կքննարկվի «Անպտղության հաղթահարման» ծրագրին տրամադրվող բյուջետային հատկացումների ընդլայնման համատեքստում:

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ