Սպիտակի և Ստեփանավանի 150 ընտանիքները՝ ՀՅԴ աջակցության ծրագրի շահառու

Կորոնավիրուսի դեմ պայքարին ուղղված միջոցառումների շարքում ՀՅԴ Հայաստանի երիտասարդական, «Նիկոլ Աղբալյան» ուսանողական միությունների և ՀՅԴ Հայաստանի մարզային կառույցների կողմից շարունակվում է սոցիալական աջակցության ծրագիրը, որի շրջանակներում մայիսի 31-ին ՀՀ Լոռու մարզի Սպիտակի և Ստեփանավանի շրջանների 150 ընտանիքների տրամադրվեցին մեծաքանակ պարենամթերք, մաքրման, ախտահանիչ և այլ պարագաներ:

Ծրագիրն իրականացվել է Հայ Մարմնակրթական Ընդհանուր Միության (ՀՄԸՄ) Հայաստանի Ազգային Սկաուտական Կազմակերպության (ՀԱՍԿ) հանգանակած դրամական միջոցներով և փուլային եղանակով շարունակվելու է ՀՀ այլ մարզերում և շրջաններում։