Կոչով դիմում եմ 1992 թվից սահման պահող 28 տարվա ծառայողներին․ Մխիթար Զաքարյան

Արցախի կարգավիճակի նշաձողն իջեցնելու՝ իշխանության հայտարարության մասին խոսելով՝ «Հայաստան» խմբակցության պատգամավոր Մխիթար Զաքարյանը նշեց․ «Մենք ապրումմ ենք Ասիայում՝ արևելքում, որտեղ  իրավունքի  ուժից առաջ ուժի իրավունքն է, և այդ  մտավարժանքները   վտանգավոր են։ Այդ տարածքները, զոհերը, այն սարի կատարը, որտեղ տարվա մեծ մասը ձյուն է, այդ ամենը Հայրենիք է, ոչ մեկն իրավունք չունի սակարկելու։ Առիթից օգտվելով՝ ուզում  եմ դիմել  ինձ համար շատ կարևոր խավին՝ նրանց, ովքեր 1992 թվի պատերազմից հետո ծառայություն են իրականացնում սահմանային դիրքերում, կոչ եմ անում՝ արձագանքել օրհասական այս  իրավիճակին։ Չեմ  չափազանցնի,  եթե համեմատեմ Սարդարապատի ճակատամարտին նախորդող իրավիճակի հետ»։