Ջուլֆալակյանը դժգոհ է Հայաստանի առաջնության մասնակիցների թվից

Հանգստյան օրերին Վանաձորում տեղի ունեցավ հունահռոմեական ոճի ըմբշամարտի` Հայաստանի մեծահասակների առաջնությունը: Այսօր հրավիրված մամուլի ասուլիսի ընթացքում հավաքականի գլխավոր մարզիչ Լևոն Ջուլֆալակյանը հայտնեց, որ դժգոհ է առաջնության մասնակիցների թվից:

«Դժգոհ եմ առաջնությունում ըմբիշների մասնակցության թվից: Այս առաջնությանը մասնակցում էր ընդամենը 63 ըմբիշ, ինչը մտահոգության տեղիք է տալիս:  Զինվորական ծառայությունից հետո քչերն են շարունակում մնալ սպորտում: Նախկինում չէր եղել նման դեպք, որ մասնակիցների թիվը լինի 90-ից պակաս: Ամեն դեպքում կկարողանանք քչի մեջ որակ ապահովել, սակայն այդ մոտեցումը սխալ է:  Սկսվում է նոր քառամյա ցիկլը, և պետք է այս ժամանակահատվածում նոր հավաքական ձևավորենք, որպեսզի մինչև Տոկիոյի օլիմպիական խաղերը պատկերացում ունենանք, թե ինչ հավաքականով ենք մասնակցելու հերթական օլիմպիական խաղերին»,- ասաց մարզիչը: