Մեկ օրում ոչնչացվել է ուկրաինական 34 ռազմական օբյեկտ. ՌԴ ՊՆ

ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը ապրիլի 6-ին կայացած ճեպազրույցում հայտարարել է, որ օրվա ընթացքում Ռուսաստանի օդատիեզերական ուժերի կողմից ուկրաինական 34 ռազմական օբյեկտ է խոցվել, հայտնում է MK-ն։

Այդ օբյեկտների թվում Կոնաշենկովն անվանել է նյութատեխնիկական ապահովման երկու պահեստ, հրետանային մարտկոց, 9 հենակետ եւ ՈՒԶՈՒ ռազմական տեխնիկայի կենտրոնացման շրջաններ։

Բացի այդ, ՊՆ ներկայացուցիչը նշել է նաեւ հակաօդային պաշտպանության ուժերի հաջողությունները՝ Խարկովի մարզում նրանք թուրքական «Բայրաքթար» անօդաչու թռչող սարք են խոցել։

Կոնաշենկովը նաեւ հայտարարել է Խարկովի մարզում ուկրաինական բանակի կողմից արտասահմանից ստացված զենքերի ոչնչացման մասին։

ՌԴ ՊՆ ներկայացուցչի խոսքով՝ ոչնչացվել է նաեւ Դոնեցկի մարզի Նովոգրոդովկա բնակավայրի մոտ Ուկրաինայի 56-րդ առանձին մոտոհրաձգային բրիգադի հրամանատարական կետը։

Գրոդովկա բնակավայրում նույնպես ոչնչացվել է կամավորական գումարտակներից մեկի հենակետը։

Հարվածները հասցվել են բարձր ճշգրտության ցամաքային հրթիռներով։