ՌԴ Զինուժը ոչնչացրել է Ուկրաինայի ռազմական ենթակառուցվածքին պատկանող 975 օբյեկտ. Կոնաշենկով

Շաբաթ ՌԴ Զինված ուժերը հարվածել են գերճշգրիտ զենքով՝ օգտագործելով օդային եւ ծովային տեղակայման թեւավոր հրթիռներ Ուկրաինայի ռազմական ենթակառուցվածքի ուղղությամբ: Քաղաքների ուղղությամբ հարվածներ չեն հասցվում, կիրակի լրագրողներին հայտնել է ՌԴ ՊՆ պաշտոնական ներկայացուցիչ գեներալ մայոր Իգոր Կոնաշենկովը, հաղորդում է ՏԱՍՍ-ը:

«Փետրվարի 26-ին ՌԴ Զինված ուժերը եւս մեկ հարված են հասցրել Ուկրաինայի ռազմական ենթակառուցվածքի ուղղությամբ օդային եւ ծովային տեղակայման թեւավոր հրթիռների կիրառմամբ գերճշգրիտ զենքով»,-ասել է նա:

Կոնաշենկովն ընդգծել է, որ ռուս զինվորականները հարվածներ չեն հասցնում քաղաքների ու բնակավայրերի ուղղությամբ, ձեռնարկում են բոլոր միջոցները խաղաղ բնակիչների կյանքերը փրկելու համար:

ՌԴ Զինուժը ոչնչացրել է Ուկրաինայի ռազմական ենթակառուցվածքի 975 օբյեկտ, այդ թվում՝ 23 կառավարման կետ, 31 ՀՕՊ Ս-300 զենիթահրթիռային համալիր, տեղեկացրել է ՌԴ ՊՆ-ն: Նախարարության տվյալներով՝ ՌԴ Զինուժը ոչնչացրել է 28 ինքնաթիռ ցամաքում, 39 համազարկային կրակի ռեակտիվ համակարգ, դաշտային հրետանու 38 միավոր եւ Ուկրաինայի ԶՈՒ ականանետ: Զինուժը հարվածել է գերճշգրիտ զենքով՝ օգտագործելով օդային եւ ծովային տեղակայման թեւավոր հրթիռներ:

«Ուկրաինացի ազգայնականները հարվածել են «Գրադ» համազարկային կրակի ռեակտիվ համակարգով Մարիուպոլի արվարձանում բնակելի թաղամասերի եւ դպրոցների ուղղությամբ, կան զոհեր խաղաղ բնակիչների շրջանում, նշում են ՌԴ ՊՆ-ից:

ԼԺՀ-ի զորքերը ՌԴ ԶՈՒ աջակցությամբ վերահսկողություն են սահմանել Նովոախտիրկա, Սմոլյանինովո, Ստանիչնո-Լուգանսկոյե բնակավայրերում: ԼԺՀ զորքերի խմբավորումը գործողության ամբողջ ընթացքում գրանցել է 52 կմ առաջխաղացում, հաղորդում է ՌԴ ՊՆ-ն:

ՌԴ ՊՆ-ի պաշտոնական ներկայացուցչի խոսքով՝ շաբաթ Խարկովի մարզում Ուկրաինայի ԶՈՒ 302-րդ զենիթահրթիռային գունդը, որը համալրված է «Բուկ Մ-1» ՀՕՊ համալիրներով, ինքնակամ վայր է դրել զենքերն ու հանձնվել: «Գերեվարվել է 471 ուկրաինացի զինծառայող: Նրանց բոլորի նկատմամբ ցուցաբերվում է հարգալից վերաբերմունք եւ օգնություն»,-նշել է նա՝ պարզաբանելով, որ փաստաթղթերի ձեւակերպումից հետո նրանք կմիավորվեն իրենց ընտանիքների հետ: