Չավուշօղլուն նշել է Ռուսաստանի աջակցությունը Թուրքիայի և Հայաստանի ներկայացուցիչների շփումներին

Թուրքիայի արտգործնախարար Մևլութ Չավուշօղլուն նշել է Ռուսաստանի աջակցությունը Անկարայի և Երևանի ներկայացուցիչների միջև բանակցություններին. հայտնում է ՏԱՍՍ-ը։

«Հայաստանի հետ որոշակի գործընթաց կա. հատուկ ներկայացուցիչներն իրենց առաջին շփումներն իրականացրել են այն պայմանների շնորհիվ, որոնք Ռուսաստանը ստեղծել է այստեղ՝ Մոսկվայում։ Նաև դիվանագիտական ֆորումում հաստատվեցին շատ լավ շփումներ, երկխոսություն։ Ռուսաստանը մեզ ի սկզբանե աջակցում էր, նաև՝ Ադրբեջանը»,- ասել է նա Մոսկվայում ՌԴ ԱԳ նախարար Սերգեյ Լավրովի հետ բանակցություններից հետո կայացած մամուլի ասուլիսում։

«Առաջին հերթին, եկեք ի սկզբանե հրադադար ապահովենք, խաղաղություն հաստատենք, որպեսզի մեր տարածաշրջանը խաղաղ լինի, և շարունակենք մեր բոլոր ջանքերն այս ուղղությամբ»,- հավելել է Չավուշօղլուն։