ԱՄՆ Հայ Դատի հանձնախումբը ողջունում է Ներկայացուցիչների պալատի անդամների աջակցությունը՝ Արցախին և Հայաստանին օգնության հարցում

ԱՄՆ Ներկայացուցիչների պալատի՝ Կալիֆորնիայի, Քոնեկտիկուտի, Միչիգանի, Նյու Յորքի և Ռոդ-Այլենդի ներկայացուցիչները Հատկացումների կոմիտեում ելույթի ժամանակ վկայություններ են ներկայացրել հօգուտ Արցախում ականազերծման նպատակով միջոցների հատկացմանը և օգնության տրամադրմանը Հայաստանին. այս մասին Yerkir.am-ին հայտնում են ԱՄՆ Հայ դատի հանձնախմբից։ 

Մասնավորապես, նշվում է՝ կոնգրեսականներ Ջուդու Չուն, Դեվիդ Սիցիլինը, Ջիմ Կոստան, Թիջեյ Քոքսը, Ջոն Գարամենդին, Ջիմ Հայմսը, Քերոլայն Մալոնին, Ադամ Շիֆը, Բրեդ Շերմանը և Ռաշիդա Տլաիբն ընդգծել են Արցախին հետագա օգնության կարևորությունը, մինչդեռ Կոստան նաև հորդորել է 100 միլիոն դոլար հատկացնել Հայաստանին ու մտագություն է հայտնել Ադրբեջանին ցուցաբերվող ռազմական օգնության անհամաչափության վերաբերյալ:

Այս առնչությամբ Կոնգրեսի հետ հարաբերությունների հետ կապերի մասով տնօրեն Մարիամ Խալոյանն ասել է. «Մենք ողջունում ենք անդամների ներկայացրած ցուցմունքները և մեծապես գնահատում ենք շարունակական աջակցությունն Արցախին և Հայաստանին»։ 

Միևնույն ժամանակ HALO Trust ականազերծման կազմակերպության գործադիր տնօրեն Քրիս Ուոթլին իր հերթին շնորհակալություն է հայտնել Ներկայացուցիչների պալատի անդամներին՝ հույս հայտնելով շարունակել աշխատանքը ընտանիքների անվտանգությունն ապահովելու ուղղությամբ ամբողջ տարածաշրջանում: