Թուրքիայի ԱԳՆ-ն իր քաղաքացիներին խորհուրդ է տալիս լքել Արևելյան Ուկրաինան

Թուրքիայի արտաքին գործերի նախարարությունը կոչ է արել իր քաղաքացիներին՝ լքել Ուկրաինայի արևելյան շրջանները՝ կապված վերջին իրադարձությունների հետ։

«Ուկրաինայի արևելյան շրջաններում վերջին իրադարձությունների ֆոնին՝ Թուրքիայի քաղաքացիներին խստորեն խորհուրդ է տրվում լքել այդ շրջանները։ Անհրաժեշտության դեպքում նրանց խորհուրդ է տրվում կապ հաստատել Կիևում Թուրքիայի դեսպանատան հետ»,- ասվում է այդ երկրի ԱԳՆ հաղորդագրության մեջ։

Ավելի վաղ հայտնի էր դարձել, որ ՌԴ նախագահ Վլադիմիր Պուտինը հրամանագիր է ստորագրել Դոնեցկի և Լուգանսկի ժողովրդական հանրապետությունների անկախությունը ճանաչելու մասին։

Եվրամիության, ՆԱՏՕ-ի, ԱՄՆ-ի, Գերմանիայի և Մեծ Բրիտանիայի ղեկավարները խստորեն դատապարտել են Ռուսաստանի իշխանությունների գործողությունները՝ վերահաստատելով իրենց աջակցությունը Ուկրաինայի տարածքային ամբողջականությանն ու ինքնիշխանությանը։