ԱՄՆ-ն իր քաղաքացիներին խորհուրդ է տալիս հեռանալ Բելառուսից և Մոլդովայից

ԱՄՆ պետդեպարտամենտը կոչ է արել իր քաղաքացիներին՝ լքել Բելառուսը։ Որպես պատճառներից մեկը՝ գործակալությունը նշել է «ռուսական ռազմական ուժի անհանգստացնող կենտրոնացումը Բելառուսի և Ուկրաինայի սահմանի մոտ»։

«Ուկրաինայի հետ սահմանի մոտ Ռուսաստանի անսովոր և անհանգստացնող ռազմական ակտիվության պատճառով Բելառուսում գտնվող կամ այնտեղ մեկնող քաղաքացիները պետք է տեղյակ լինեն, որ իրավիճակն անկանխատեսելի է, և լարվածությունը տարածաշրջանում սրվում է»,- նշվում է հաղորդագրության մեջ։

Հանրապետությանը տրվել է վտանգի պայմանական չորրորդ աստիճան։ Սրա վրա ազդող այլ գործոններ են՝ «իրավապահ մարմինների կամայականությունը, կալանավորման վտանգը», ինչպես նաև կորոնավիրուսը։

«Բելառուսում գտնվող ԱՄՆ քաղաքացիները պետք է անհապաղ լքեն այն»,- հորդորել է Պետդեպարտամենտը:

Բելառուսում ռուսաստանցի զինվորականները մասնակցում են «Միութենական վճռականություն» զորավարժություններին, որոնք կտևեն մինչև փետրվարի 20-ը։ Զորավարժությունները տեղի են ունենում նաև հանրապետության արևմտյան հատվածում, որտեղ այն սահմանակից է Ուկրաինային։

Նմանատիպ կոչով ԱՄՆ-ը դիմել է նաև Մոլդովայում գտնվող կամ այնտեղ այցելել պատրաստվող քաղաքացիներին: