Ռազմավարական հետախուզության միջազգային կենտրոնը (ICSI) օտարերկրյա քաղաքացիներին խորհուրդ է տալիս լքել Ուկրաինան

Օտարերկրյա քաղաքացիներին խորհուրդ է տրվում չմեկնել Ուկրաինա, իսկ այնտեղ գտնվողներին՝ հնարավորության դեպքում լքել Ուկրաինայի տարածքը։ Արևմտյան փորձագետների կարծիքով՝ Ուկրաինայում պատերազմը կսկսվի երկու շաբաթվա ընթացքում։

Ուկրաինայի տարածքում սահմանվել է կարմիր վտանգի մակարդակ, օտարերկրյա քաղաքացիներին խորհուրդ չի տրվում այցելել այս երկիր։ Նման որոշում է կայացրել Ռազմավարական հետախուզության միջազգային կենտրոնը (ICSI)՝ կապված վերջին իրադարձությունների հետ, այդ թվում՝ (ըստ Արևմուտքի) ուկրաինական սահմանի մոտ 100.000-անոց ռուսական ռազմական խմբավորման կենտրոնացմանը և Ռուսաստանի ուև ՆԱՏՕ-ի միջև անհաջող բանակցությունների։ ICSI-ն կարծում է, որ հակամարտության սրումը միանգամայն հնարավոր է, և մոտ ապագայում ռազմական գործողություններ կսկսվեն։

Վտանգի կարմիր մակարդակը նախավերջինն է, կրիտիկականը՝ սև, նշանակում է պատերազմ։ Ըստ ICSI-ի՝ կարմիր մակարդակը ենթադրում է լայնածավալ ռազմական հակամարտություն սկսելու մեծ հավանականություն։