Ճապոնիայի ԱԳՆ-ն կոչ է անում իր քաղաքացիներին անհապաղ լքել Ուկրաինան

Ճապոնիայի արտաքին գործերի նախարարությունը որոշում է ընդունել Ուկրաինայի տարածքում գտնվելու սպառնալիքի մակարդակը բարձրացնել մինչեւ առավելագույն չորրորդը եւ իր քաղաքացիներին կոչ է անում անհապաղ լքել այդ երկրի տարածքը: Այս մասին ՏԱՍՍ-ի փոխանցմամբ՝ ուրբաթ հայտարարել Է Ճապոնիայի ԱԳՆ-ն։

Ըստ Ճապոնիայի արտաքին գերատեսչության դասակարգման՝ այս կամ այն երկրի տարածքում գտնվելու վտանգի չորրորդ մակարդակը նշանակում է անհապաղ լքել պետության տարածքը և հրաժարվել այդ երկիր ցանկացած ուղևորությունից:

Ճապոնիայի ԱԳՆ-ն իր որոշումը բացատրել է ռուս-ուկրաինական սահմանին լարվածության շարունակական աճով:

Երկրի ԱԳՆ-ում ընդգծել են, որ իրադրության հետագա զարգացումը մնում է անկանխատեսելի, չնայած ճգնաժամի լուծմանն ուղղված շարունակվող դիվանագիտական ջանքերին: