Եթե մի տեղ ունեմ գնալու, դա Արցախն է. դատվելուց չեմ վախենում. Աշոտ Մինասյան

Ես չեմ կարողանում հասկանալ՝ իմ կալիբրի մարդը՝ երեք պատերազմներով անցած, 20 տարի մաքսային ծառայության ղեկավար աշխատած, հրամանատար, խելքս չէ՞ր կտրում ունենալ Կորնետ, Ֆագոտ, ես պիտի՞ այդ հին զենքերը հավաքեի:

Այս մասին դատական նիստի ժամանակ ասաց Սիսական ջոկատի հրամանատար Աշոտ Մինասյանը:

«Սա պրիմիտիվ հարց է, մի՞ թե իմ կալիբրը դա է: Ես մարդ եմ, ով կապեր ունի տարբեր տեղերում, բա՞ նման մարդը տանում զենքերը լցնում է մի տեղ, հետո մտածում է այդ անտեր վիճակի մասին, ես չէի՞ կարող մի բիզնեսմենի, պատգամավորի կամ դատավորի խնդրեի՝ այդ զենքերը պահեին: Ես դատվելուց չեմ վախենում, չի մտահոգում, ինձ համար միշտ թանկ է եղել իմ հայրենիքի ճակատագիրը»,-ասաց նա: