ՀԱՊԿ խաղաղապահները, հավանաբար, մեկ շաբաթ կմնան Ղազախստանում

ՀԱՊԿ խաղաղապահները, հավանաբար, մեկ շաբաթ կմնան Ղազախստանում, հայտարարել է նախագահի  Կասըմ-Ժոմարտ Տոկաևի մամուլի քարտուղարը։

«ՀԱՊԿ խաղաղապահներից ոչ մեկը չի մնա Ղազախստանում հակաահաբեկչական գործողության ավարտից հետո»,- ասել է Բերիկ Ուալին։

ՀԱՊԿ խաղաղապահ ուժերը ժամանել են Ղազախստան և սկսել պաշտպանել ռազմավարական, ռազմական օբյեկտները։ Դրանք ներառում են Հայաստանի, Բելառուսի, Ղրղզստանի, Ռուսաստանի և Տաջիկստանի զինված ուժերի ստորաբաժանումները։

«Խաղաղապահների մանդատը ներառում է ռազմավարական օբյեկտների պաշտպանությունը և ղազախական իրավապահների թիկունքը պահելը։ Հարկ է ընդգծել, որ ահաբեկչական խմբավորումների դեմ հիմնական ռազմական գործողություններն իրականացնում են իրավապահ մարմինները և Ղազախստանի զինված ուժերը։ ՀԱՊԿ խաղաղապահ ուժերը ժամանակավորապես կլինեն Ղազախստանում և կլքեն երկիրը ղազախական կողմի առաջին դիմումով՝ իրավիճակի կայունացումից հետո», - հայտարարել է Ղազախստանի ԱԳՆ-ն: