Ի՞նչ դեր են ունենալու ՀԱՊԿ խաղաղապահները Ղազախստանում

ՀԱՊԿ ռուս, հայ, բելառուս և ղրղզ խաղաղապահների ստորաբաժանումները սկսել են առաջադրանքներ կատարել Ղազախստանում։

Խաղաղապահներ մտցնելու որոշումը ՀԱՊԿ երկրների ղեկավարների կողմից ընդունվել է հավաքականորեն՝ Ղազախստանի ղեկավար Կասըմ-Ժոմարդ Տոկաեւի խնդրանքով (կազմակերպության մեջ են մտնում Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը):

Կոնտինգենտը ներկայացվում է սահմանափակ ժամկետով։ Նպատակը երկրում իրավիճակի կայունացումը և կարգավորումն է:

Ղազախստանում ՀԱՊԿ ուժերը կարգուկանոն չեն վերականգնի. նրանց դերը ռազմական ենթակառուցվածքների և այլ օբյեկտների պաշտպանությունն է։

ՀԱՊԿ-ը Ղազախստանի իրադարձությունները դիտարկում է որպես պետության անվտանգությունն ու ամբողջականությունը խարխլելու փորձ` հրահրված արտաքին ուժերի կողմից: Գործողության ավարտից հետո Ղազախստանից դուրս կբերվեն բոլոր խաղաղապահ ուժերը։ Նրանց ներկայության ժամկետը կախված կլինի իրավիճակից և հանրապետության ղեկավարության որոշումից։

ՀԱՊԿ-ը ՄԱԿ-ին ծանուցել է իր կոնտինգենտը Ղազախստան ուղարկելու մասին՝ իրավիճակը կարգավորելու համար։

ՀԱՊԿ զորքերը Ղազախստանում գտնվում են ՀԱՊԿ կանոնադրության 8-րդ հոդվածի համաձայն: