Ռուս խաղաղապահները Արցախում կմնան 5 տարի, ապա երկարաձգման որոշում կկայացվի․ Մուրադով

Ռուս խաղաղապահները Արցախում կմնան 5 տարի, ինչպես նշված է եռակողմ համաձայնագարում, ապա երկարաձգման որոշում կկայացվի։ Այս մասին հայտարարել է Արցախում ռուսական խաղաղապահ զորախմբի արդեն նախկին հրամանատար, գեներալ-լեյտենանտ Ռուստամ Մուրադովը:

Նա դրական է գնահատել խաղաղապահերի աշխատանքը:

«Մեր աշխատանքին գնահատական տալիս է խաղաղ ժողովուրդը: Այսօր կյանքը Արցախում ընթանում է ամբողջ հունով: Կան, իհարկե, շատ բարդ հարցեր, բայց գործընթացը շարունակվում է՝ մարդկանց վերադարձ, մի շարք խնդրահարույց հարցերի լուծում: Կարծում եմ՝ ամեն ինչ լավ կլինի»,- ասել է Մուրադովը:

Հիշեցնենք, որ Մուրադովին Արցախում ռուսական խաղաղապահ զորախմբի հրամանատարի պաշտոնում փոխարինել է գեներալ-մայոր Միխայիլ Կոսոբոկովը:

Միխայիլ Կոսոբոկովը զբաղեցրել է 58-րդ համազորային բանակի (Հարավային ռազմական օկրուգ) հրամանատարի տեղակալի պաշտոնը։ Ժամանակին նա եղել է Աբխազիայում ռուսական ռազմական բազայի հրամանատարը։