Թուրքիայի պաշտպանության նախարարությունը հայտնել է ԱՄՆ-ի հետ F-35-ների մատակարարման վերաբերյալ հանդիպման մասին

Թուրքիան և Միացյալ Նահանգները կքննարկեն F-35-ի խնդիրն այս տարվա սկզբին կայանալիք հանդիպմանը, որը, հավանաբար, տեղի կունենա Վաշինգտոնում. հայտնել է Թուրքիայի ազգային պաշտպանության նախարար Հուլուսի Աքարը։

«F-35-ի հետ կապված՝ ԱՄՆ պատվիրակությունը հոկտեմբերին ժամանել էր Թուրքիա։ Մեր պատվիրակությունը կրկին կքննարկի այս հարցը տարեսկզբին: Այս հանդիպումը, ամենայն հավանականությամբ, կկայանա Վաշինգտոնում։ Մենք հստակ հայտնել ենք մեր դիրքորոշումը ամերիկյան կողմին, սպասում ենք արդյունքներին»,- Աքարի խոսքերն է մեջբերում Hurriyet թերթը։

Ավելի վաղ ԱՄՆ-ը պաշտոնական ծանուցում էր ուղարկել Թուրքիային՝ F-35 կործանիչների մատակարարման ծրագրից նրա դուրս մնալու մասին՝ Անկարայի կողմից ռուսական Ս-400 հակաօդային պաշտպանության համակարգերի գնման պատճառով։