Ռուսաստանն ու Թուրքիան պայմանավորվել են Ս-400-ների երկրորդ մատակարարման վերաբերյալ

Թուրքիայի պաշտպանական արդյունաբերության քարտուղարության ղեկավար Իսմայիլ Դեմիրն հայտարարել է, որ Ռուսաստանն ու Թուրքիան պայմանավորվել են Ս-400 հակաօդային պաշտպանության համակարգերի երկրորդ փաթեթի մատակարարման վերաբերյալ. հայտնում է «ՌԻԱ Նովոստին»։

«Մենք ունենք համաձայնագիր Ս-400-ի երկրորդ փաթեթը մատակարարելու վերաբերյալ: Մնացին տեխնիկական աշխատանքներ տեխնոլոգիայի փոխանցման, համատեղ արտադրության, ճանապարհային քարտեզի վերաբերյալ», - ասաց նա:

«S-400 համակարգը ձեռք է բերվում օգտագործման համար. վերջ։ Այս մասին բազմիցս ասվել է պետական բոլոր մակարդակներում: Աշխատանքը շարունակվում է»,- նշել է Թուրքիայի պաշտպանական արդյունաբերության քարտուղարության ղեկավարը։

Դեմիրը հիշեցրել է նաև, որ անցած տարի ռուսական կողմն իրականացրել է Թուրքիային չորս Ս-400 դիվիզիոն մատակարարելու առաջին պայմանագիրը: Մատակարարման ծավալը կազմել է 2,5 միլիարդ դոլար: