Թուրքիան դեռևս չի քննարկում Ս-400-ների մատակարարման վերաբերյալ Ռուսաստանի հետ նոր համաձայնագրի կնքման հարցը

Թուրքիան այս պահի դրությամբ չի քննարկում Ս-400 զենիթահրթիռային համակարգերի մատակարարման վերաբերյալ Ռուսաստանի հետ նոր համաձայնագրի կնքման հարցը. ըստ Yerkir.am-ի՝ հայտնում է ՏԱՍՍ-ը՝ Թուրքիայի նախագահի պաշտոնական ներկայացուցիչ Իբրահիմ Քալընի խոսքերին հղումով:

«Մեր համաձայնագիրն ստորագրվել է 2017 թվականի ապրիլին, Ս-400-ի մատակարարման գործընթացն այդ համաձայնագրի շրջանակում շարունակվում է: Այս պահին դեռևս նոր համաձայնագրի կնքման մասին խոսք չկա: Առաջիկայում կշարունակվի մարտկոցների մատակարարման, անձնակազմի ուսուցման, համակարգերի ծավալման, տեղակայման վայրերի ընտրության, ծրագրային ապահովման գործընթացը: Դա, իհարկե, տեխնիկական տեսանկյունից երկարատև գործընթաց է»,- պարզաբանել է նա: