Թուրքիայի պաշտպանության նախարարությունը հայտնել է, որ շարունակում է նախապատրաստվել Ս-400-ի տեղակայմանը

Թուրքիան շարունակում է նախապատրաստական աշխատանքները Ս-400 զենիթահրթիռային համակարգերի տեղակայման համար: Այս մասին հինգշաբթի հայտարարել է հանրապետության ազգային պաշտպանության նախարար Հուլուսի Աքարը:

«Մենք շարունակում ենք փորձարկել և պատրաստել համակարգերը՝ մեր ծրագրերին համապատասխան: Մենք կկիրառենք Ս-400-ը այնպես, ինչպես ՆԱՏՕ-ի որոշ անդամներ կիրառում են Ս-300»,- նրա խոսքերը մեջբերում է Anadolu-ն:

Բացի այդ՝  Աքարը հիշեցրել է, որ Թուրքիայի առաջարկը ԱՄՆ-ի հետ տեխնիկական աշխատանքային խումբ ստեղծելու համար`Ս-400- ի և ամերիկյան հինգերորդ սերնդի F-35 կործանիչների համատեղելիությունն ուսումնասիրելու համար, ուժի մեջ է:

Նոյեմբերի սկզբին ԱՄՆ պետքարտուղարի քաղաքական-ռազմական հարցերով օգնական Քլարք Քուփերը հայտարարել էր, որ ԱՄՆ-ի կողմից Թուրքիայի դեմ պատժամիջոցներ կիրառելու հավանականությունը, կապված ռուսական Ս-400 զենիթահրթիռային համակարգերի ձեռք բերման հետ, մնում է: