Արևմուտքը զինյալներ է ուղարկում Ուկրաինա հրահանգիչների անվան տակ. ՌԴ ԱԳՆ

Արեւմտյան երկրները շարունակում են ռազմականացնել Ուկրաինան՝ այնտեղ ուղարկելով զենք ու զինյալներ. «Ղրիմ 24» հեռուստաալիքի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ուկրաինան զենք է հավաքում. խոսքն ուղղակի առաքումների, ապագայի պայմանագրերի մասին է, և, ինչպես տեսնում եք, դրանք, ընդհանուր առմամբ, բազմամիլիոնանոց պայմանագրեր են: Խոսքը նաև հրահանգիչների անվան տակ զինյալներ ուղարկելու մասին է»,- բացատրել է նա:

ԱՄՆ պաշտպանության նախարար Լլոյդ Օսթինը հայտնել է, որ Վաշինգտոնը 2014 թվականից ի վեր ավելի քան 2,5 միլիարդ դոլար է հատկացրել ուկրաինական բանակին՝ որպես աջակցություն։

Այս շաբաթ, ըստ Պենտագոնի խոսնակ Ջոն Քիրբիի, Կիևը պետք է ստանար փոքր զենք և զինամթերք Միացյալ Նահանգներից, դա նախագահ Ջո Բայդենի կողմից հաստատված՝ 60 միլիոն դոլարի մատակարարումի վերջին մասն է: 2022 թվականի ամերիկյան պաշտպանական բյուջեի նախագծով՝  Ուկրաինային, որպես  ռազմական օգնություն, տրամադրվելու է 300 միլիոն դոլար։

Բացի դրանից՝ դեկտեմբերի 2-ին ԵՄ խորհուրդը 31 մլն եվրո է հատկացրել Ուկրաինայի ռազմաօդային ուժերին։