Պատվերը կատարողը չեչեն զինյալներ են. նոր մանրամասներ Նեմցովի սպանության վերաբերյալ

Ռուս ընդդիմադիր գործիչ Բորիս Նեմցովի սպանության գործը քննող քննչական խումբը կենտրոնացել է այն վարկածի վրա, որը կապված է «ուկրաինական հետքի» հետ. գրում է Известия-ն:

Քննիչները չեն բացառում, որ Նեմցովին կարող են սպանած լինել ուկրաինական հատուկ ծառայությունների պատվերով: Իսկ սպանության կազմակերպիչներ կարող էին դառնալ  Ջոհար Դուդաևի գումարտակից չեչեն զինյալներ: Գումարտակը Ուկրաինայի արևելքում կռվում է ինքնահռչակ Դոնեցկի և Լուգանսկի հանրապետությունների դեմ:

Իրավապահ մարմինների աղբյուրի համաձայն՝ Նեմցովի սպանության կազմակերպիչները կարող են լինել այդ ստորաբաժանման ներկայիս հրամանատար, ՌԴ նախագահ Վլադիմիր Պուտինի դեմ պատրաստվող մահափորձի գործով դերակատար Ադամ Օսմաևն ու նրա կինը՝ Ամինա Օկուևան:

Նշվում է, որ ուկրաինական հատուկ ծառայությունների պլանի համաձայն՝ ռուս ընդդիմադիրի սպանությունը վարկաբեկելու էր Ռուսաստանի կառավարությանն ու ապակայունացնելու էր իրավիճակը երկրում: