Շարունակական զիջումներով արժանապատիվ խաղաղության չենք հասնի. Վահե Հակոբյան

Ինչու եւ ինչպես հանձնվեց Շուշին, ինչու եւ ինչպես հայկական կողմը մերժեղց ՌԴ միջնորդությամբ պատերչազմը ավելի վաղ դադարեցնելու առաջարկը. Ինչու եւ ինչպես պատահեց, որ պատերազմից հետո մեր տղաները ընկան գերության մեջ: Ազատության հրապարակում «Հայաստան» դաշինքի հրավիրած հանրահավաքի ժամանակ նշեց ԱԺ «Հայաստան» խմբակցության պատգամավոր Վահե Հակոբյանը:

«Այս եւ շատ ավելի հարցերի պատասխանները մենք անկասկած ստանալու ենք: Ստանալու ենք օբյեկտիվ քննության եւ իհարկե, ոչ այս իշխանության օրոք, եւ մեղավորները պատժվելու են: Բայց մեր այսօրվա խնդիրը  շարունակական պարտությունը կանգնեցնելն է, շարունակական զիջումները: Այո, մեզ այսօր պետք է խաղաղություն, բայց պետք է արժանապատիվ խաղաղություն, ոչ թե կեղծ օրակարգերը, որ բերում են, ուզում են մեզ կերցնել: Շարունակական զիջումներով արժանապատիվ խաղաղության չենք հասնի: Մենք պետք է դիմադրենք պարտվողական հոգեբանությանը եւ այն քաղաքականությանը, որ վարում է այս իշխանությունը»,-ասաց նա:

Անդրադառնալով դեմարկացիայի եւ դելիմիտացիայի թեմային, Վահո Հակոբյանը նկատեց, որ այս իշխանությունները դրա համար ոչ ներուժ ունեն, ոչ հնարավորություն., ոչ ռեսուրս. «Պարզ տրամաբանությունն ասում է, որ պետք է ամենասկզբից առաջ քաշել նախապայմաններ: Առաջինը մեր տղաների անվերապահ վերադարձը հայրենիք: ՀՀ սուվերեն տարածքից Ադրբեջանի զինուժը դուրս վռնդելու հարցը, մեր ճանապարհները ցանկացած խոչընդոտից ազատելու հարցը: Այս գործընթացը որեւէ առնչություն չպետք է ունենա Արցախի հարցի կարգավորման հետ: Ի վերջո, մենք չենք պարտվել թուրք-ադրբեջանական տանդեմին, բանակը չի պարտվել, պարտվել են սրանք»,-ասաց Հակոբյանը:

Վահե Հակոբյանը խոսեց նաեւ տնտեսության մասին՝ նշելով, որ 2022-ի բյուջեում 100 մլրդ դրամով նվազեցրել են դեֆիցիտը եւ դա արվել է ներքին եկամուտների հաշվին. «Դա նշանակում է, որ 2022-ին սկսվելու է հարկային տեռոր, որ կարողանան այդ 100 մլրդ դրամը կարողանան հավաքեն, դնեն տեղը: Ի վերջո, սուտ, կեղծիք եւ պոպուլիզմ եւ ՕԳԳ-ն զրո է:

 խոսում են ներդրումների մասին, մեկը գիտի՞, որ մեկ կոպեկ ներդրում է եղել: Ո՞ր իրեն հարգող ներդրողը այստեղ ներդրում կանի: Ոչ մեկը»,-ասաց Վահե Հակոբյանը՝ հավելելով, որ պետք է մեկ բռունցքն դառնալ եւ ազատվել այս իշխանություններից: