Միակողմանի շարունակական զիջումներով խաղաղութիւն անկարելի է կերտել վկայ՝ Արցախի հայաթաբումը․ Պուլկարիոյ հայ համայնքային խորհուրդի Վարչութիւն

Հայաստանի Հանրապետութեան ներկայի իշխանութիւնները Ազրպէյճանի կողմէ հնչուող սպառնալիքներուն տեղի տալով, կը պատրաստուին Տաւուշի մարզէն տարածքներ յանձնել:

Կոչ կ՛ընենք ՀՀ իշխանութիւններուն հրաժարիլ պարտուողական գործելաոճէն և ընթացք չտալ թշնամիին կողմէ պարտադրուող այնպիսի լուծումներու, որոնք հայրենիքը կը կանգնեցնեն անվտանգային նոր խնդիրներու առջև։

Միակողմանի շարունակական զիջումներով խաղաղութիւն անկարելի է կերտել վկայ՝ Արցախի հայաթաբումը:

Այս քաղաքականութիւնը ոչ միայն անիրատեսական է, այլև աղետաբեր եւ պիտի յանգի Հայաստանի պետականութեան ամբողջական կորուստին:

Երկարատեւ ու ամուր խաղաղութիւն կարելի է կերտել միասնական կեցուածքով, ազգային արժանապատուութեան և իրաւունքներու ձեռքբերման պարագային:

Պուլկարիոյ հայ համայնքային խորհուրդի (Ասոցիացիա) Վարչութիւն