Թբիլիսիում կորոնավիրուսից մահացել է ադրբեջանասեր ակտիվիստ Գեորգի Վանյանը

Թբիլիսիի կլինիկայում կորոնավիրուսից մահացել է ազգությամբ հայ ակտիվիստ Գեորգի Վանյանը: Այս մասին հայտնում են վրացական ԶԼՄ -ները` հղում անելով Թբիլիսիում աղբյուրների։

Հոկտեմբերի 9-ին իրավապաշտպանը ծանր վիճակում հոսպիտալացվել էր: Վերջին տարիներին նա ապրում էր Հայաստանի Տավուշի մարզի Ծաղկավան գյուղում:

Վանյանը հայտնի էր իր հակահայկական և պրոադրբեջանական քարոզչությամբ։ Տարիներ առաջ փորձել էր Հայաստանում անցկացնել ադրբեջանական ֆիլմերի փառատոն։

Ղարաբաղյան երկրորդ պատերազմի սկսվելուց հետո նա սոցիալական ցանցում գրել էր, որ Հայաստանը «վաղուց հատել է սեփական քաղաքացիների դեմ հանցագործությունների սահմանը»: