Վանյանը հասել է Լոռի

Գեորգի Վանյանը թուրքական ֆիլմերի փառատոն է անցկացնելու նաև Վանաձորում: Երկու անգամ մայրաքաղաքում հաջողելուց հետո անցում է կատարվում մարզեր: Նախատեսվում է, որ դեկտեմբերի 10-11-ին Վանաձորում անցկացնելուց հետո ֆիլմերի դիտումներ են կազմակերպվելու նաև այլ մարզերում:

Փառատոնը ֆինանսավորում է Հայաստանում բրիտանական դեսպանատունը: Ինչպես տեղեկացանք դեսպանատան ծրագրերի ղեկավար Նաիրա Սուլթանյանից, Գ. Վանյանին ծրագրի համար հատկացվել է 2500 բրիտանական ֆունտ ստեռլինգ, որը մոտ 4000 ԱՄՆ դոլար է կազմում:

Գ. Վանյանից տեղեկացանք, որ երկօրյա փառատոնի ժամանակ ներկայացվելու են տասը կարճամետրաժ գեղարվեստական և մուլտիպլիկացիոն ֆիլմեր` մեկ ժամ 20 րոպե ընդհանուր տևողությամբ: