Բայդենը հայտարարել է Իրաքում ԱՄՆ ռազմական առաքելության ավարտի մասին

ԱՄՆ նախագահ Ջո Բայդենը հայտարարել է Իրաքում ԱՄՆ ռազմական առաքելության ավարտի մասին: Զինվորականների մի մասը պետք է հեռանա այս երկրից մինչև տարեվերջ: Սակայն Վաշինգտոնը կշարունակի պատրաստել իրաքցի զինվորականներին, խորհրդատվական ծառայություններ մատուցել և, այսպես ասած, պայքարել ահաբեկիչների դեմ:

«Կարծում եմ՝ ամեն ինչ լավ է ընթանում: Մեր դերը Իրաքում կլինի վերապատրաստումը շարունակելը՝ օգնելով պայքարել ԻՊ-ի ի հայտ գալու ժամանակ: Բայց մարտական առաքելությունը կավարտվի մինչև տարեվերջ»,- ասել է Բայդենը` նշելով, որ Վաշինգտոնն աջակցում է Իրաքում ժողովրդավարության ամրապնդմանը և կցանկանար, որ երկրում հոկտեմբերին անցկացնել խորհրդարանական ընտրություններ:

Իսկ Իրաքում հայտարարել են, որ իրենց պետք չեն ամերիկացի զինվորականներ ահաբեկիչների դեմ պայքարի համար: Երկրի վարչապետ Մուստաֆա ալ Քադիմիի խոսքով՝ Իրաքի անվտանգության ուժերն ու բանակն ի վիճակի են պաշտպանել պետությունը՝ առանց կոալիցիոն զորքերի: