Իրաքը հայտարարել է միջազգային կոալիցիայի ​​առաքելության ավարտի և երկրից զորքերի դուրսբերման մասին

Իրաքի իշխանությունները հայտարարել են ԱՄՆ գլխավորած միջազգային հակաահաբեկչական կոալիցիայի մարտական առաքելությունների ավարտի մասին․ զորքերը սկսել են դուրս գալ երկրից։ Այս մասին հաղորդում է Al Sumaria-ն:

Իրաքի ազգային անվտանգության հարցերով խորհրդական Քասեմ ալ Արաջին պաշտոնական հայտարարություն է արել միջազգային կոալիցիայի մարտական առաքելության ավարտի վերաբերյալ։

«Այսօր մենք ավարտել ենք միջազգային կոալիցիայի հետ երկխոսության վերջին փուլը, որը սկսել էինք անցյալ տարի՝ պաշտոնապես հայտարարելու համար կոալիցիոն ուժերի ռազմական առաքելության ավարտի և Իրաքից դուրս գալու մասին»,- գրել է նա Twitter-ում։

Ավելի վաղ ԱՄՆ-ը հայտնել էր, որ մինչև այս տարվա դեկտեմբերի 31-ը կդադարեցնի Իրաքում ռազմական գործողություններին մասնակցությունը։