Առցանց ստորագրահավաք՝ ընդդեմ ԿԳՄՍՆ որոշման․ «Հրապարակ»

«Հրապարակ»-ը գրում է․  «Թատրոնի շենքը թատրոնինն է։ Աջակցում եմ Պետական կամերային երաժշտական թատրոնին»,- այս կարգախոսով Կամերային թատրոնն առցանց ստորագրահավաք է նախաձեռնել՝ ընդդեմ ԿԳՄՍՆ որոշման, որով ուզում են այն միավորել Պարոնյանի անվան կոմեդիայի թատրոնին, իսկ կամերայինի շենքը հատկացնել Հայաստանի պետական սիմֆոնիկ նվագախմբին, ինչին դեմ են ե՛ւ կամերայինի, ե՛ւ Պարոնյան թատրոնի կոլեկտիվները:

Կամերայինին հրապարակավ աջակցություն են հայտնել մի շարք թատրոններ ու թատերական գործիչներ, այդ թվում՝ «Գոյ» թատրոնի գեղղեկավար Արթուր Սահակյանը, Ստանիսլավսկի թատրոնի ղեկավար Կարեն Ներսիսյանը, Մալյան թատրոնի ղեկավար Նարինե Մալյանը, Համազգայինի ղեկավար Նարինե Գրիգորյանը, դերասան Վարդան Պետրոսյանը, ուրիշներ»: