ԱՄՆ-ը կշարունակի աջակցել Սիրիայի քրդերին. Անկարայում ԱՄՆ դեսպան

ԱՄՆ-ը կշարունակի աջակցել Սիրիական ժողովրդավարական ուժերի քուրդ զինյալներին՝ չնայած Թուրքիայի առարկությանը: Այս մասին հայտարարել է Անկարայում Ամերիկայի դեսպան Դեյվիդ Սաթերֆիլդը:

Դիվանագետը լրագրողների հետ զրույցում, ի թիվս այլ հարցերի, շոշափել է Սիրիայում ԱՄՆ գործունեության թեման, ինչն առաջացնում է Թուրքիայի ղեկավարության դժգոհությանը:

«ԱՄՆ քաղաքականությունը չի փոխվել: Մենք շարունակում ենք հաղթահարել Սիրիայի հյուսիս-արևելքում ԻՊ-ի կողմից ներկայացված սպառնալիքը, ճիշտ այնպես, ինչպես աշխատում ենք այդ սպառնալիքը տարածաշրջանի այլ մասերում լուծելու ուղղությամբ: Եվ այս պայքարում Սիրիայի հյուսիս-արևելքում մենք շարունակում ենք աշխատել SDF-ի հետ»,- ասել է Սաթերֆիլդը:

Ամերիկացի դեսպանը անդրադարձել է նաև Ս-400-ների թեմային, որը բացասաբար է անդրադարձել Անկարայի ու Վաշինգտոնի հարաբերությունների վրա:

«Հուսով ենք, որ Ս-400-ի խնդիրը կարող է լուծվել: Եթե դա հնարավոր չլինի, մենք կշարունակենք կենտրոնանալ այն ոլորտների վրա, որոնք պատժամիջոցներից չեն տուժել»,- ասել է նա: