Շարունակելու ենք քրդերին աջակցել և այդ հարցում տարակարծիք լինել Թուրքիայի հետ. ԱՄՆ ՊՆ

ԱՄՆ ՊՆ նախարարության խոսնակ Փիթeր Քուքը կրկնել է Սիրիայում քուրդ զինյալներին՝ YPG-ին, ահաբեկիչ չհամարելու մասին իրենց հայտարարությունը. tեղեկացնում է Demokrathaber-ը:

Նշելով, որ YPG-ի նկատմամբ ԱՄՆ-ի դիրքորոշումը չի փոխվելու, Քուքն ասել է. «Մենք հասկանում ենք Թուրքիայի՝ այս հարցով անհանգստությունը, սակայն շարունակելու ենք այս հարցում տարակարծիք լինել Թուրքիայի հետ»:

Նա հայտնել է նաև, որ թուրք պաշտոնյաների հետ շարունակում են բանակցել Սիրիայի և քրդերի հարցով: «Մենք բազմիցս հայտնել ենք, որ ԻՊ-ի դեմ պայքարող խմբավորումներին աջակցում ենք: Դրանց մեջ են մտնում նաև մի շարք քրդական խմբավորումներ: Մենք հասկանում ենք ահաբեկչության նկատմամբ Թուրքիայի անհանգստությունը, սակայն շարունակելու ենք այդ հարցում տարակարծիք լինել Թուրքիայի հետ և ԻՊ-ի դեմ պայքարող խմբավորումներին աջակցել»,- հայտարարել է Քուքը:

Հիշեցնենք, որ ավելի վաղ ԱՄՆ-ը դարձյալ հայտարարել էր, որ YPG-ին ահաբեկչական խմբավորում չի համարում, ինչը Թուրքիայի ղեկավարների զայրույթն էր հարուցել: