Առանց Եփրատի արևելքից քրդերին մաքրելու` անհնար է Սիրիայի ամբողջականության պահպանումը. Էրդողան

Սոչիում նախատեսվում է Պուտին-Ռոհանի-Էրդողան` արդեն թվով չորրորդ եռակողմ հանդիպումը: Նախքան վեհաժողովի մեկնարկը` կայացել էր Պուտին-Էրդողան հանդիպումը:

Ըստ ahaber.com.tr կայքի` Էրդողանը, թուրք ժողովրդի անունից շնորհակալություն հայտնելով Պուտինին ցավակցության համար (կապված շենքի փլուզման հետ, որի ընթացքում մահացել է 21 մարդ), ելույթը սկսեց` քրդերին անդրադառնալով. «Առանց Եփրատի արևելքից քրդերին մաքրելու` անհնար է Սիրիայի ամբողջականության պահպանումը: ԱՄՆ-ի հետ շարունակում ենք անվտանգության գոտի ստեղծելու ուղղությամբ բանակցությունները: Ցանկանում ենք Ռուսաստանի հետ համաձայնեցված գործել»:

РИА Новости-ն հայտնում է, որ Էրդողանը խոսել է նաև С-400 զենիթա-հրթիային համակարգերի գնման մասին: «Ինչ վերաբերում է С-400 համակարգերին, բոլորին հայտնի է, որ ամերիկյան ղեկավարությունը մեզ վրա մեծ ճնշում է գործադրում այդ հարցի հետ կապված»,- ասել է նա Վլադիմիր Պուտինի հետ բանակցություններից առաջ: