ԱՄՆ-ը նախապատրաստում է եվրոպական երկրներին Ռուսաստանի դեմ միջուկային զենքի կիրառմանը. Լավրով

Ամերիկյան կողմը նախապատրաստում է եվրոպական երկրներին Ռուսաստանի դեմ միջուկային զենքի կիրառմանը: Նման հայտարարությամբ Ժնևում հանդես է եկել ՌԴ ԱԳՆ ղեկավար Սերգեյ Լավրովը. հայտնում է РИА Новости-ն:

Նախարարը ուշադրություն է հրավիրել այն բանի վրա, որ Եվրոպայում ԱՄՆ-ի ոչ ռազմավարական միջուկային զենքի պահպանումը խոչընդոտում է ապամիջուկայնացմանը, այն ժամանակ, երբ «համատեղ միջուկային առաքելությունների» շրջանակում նախատեսվում է ամերիկյան ոչ ռազմավարական միջուկային սպառազինությունների կիրառումը ՆԱՏՕ-ի ոչ միջուկային անդամների մասնակցությամբ:

«Բոլորի համար պետք է հասկանալի լինի, որ դրանով ԱՄՆ-ը պատրաստում է Եվրոպայի զինված ուժերին ՌԴ-ի դեմ տակտիկական միջուկային զենքի կիրառմանը»,- ասել է Լավրովը: