ՆԱՏՕ-ն հայտարարել է Ռուսաստանի «ագրեսիվ քաղաքականության» շարունակության մասին

Ռուսաստանը շարունակում է «վճռական քաղաքականությունն ու ագրեսիվ գործողությունները». ասվում է ՆԱՏՕ-ի ռազմավարական զեկույցում:

Փաստաթղթի հեղինակները պնդում են, որ դա կանխում է կառուցողական երկխոսությունը: «Ռուսաստանը պարբերաբար վախեցնող ռազմական գործողություններ է իրականացնում ՆԱՏՕ-ի սահմանների անմիջական հարևանությամբ»,- նշում են նրանք:

Զեկույցը նաև հաղորդում է «Եվրատլանտյան տարածաշրջանի անվտանգության վրա բացասական ազդող» Ռուսաստանի ակտիվ գործունեության մասին Սև և Բալթիկ ծովերում, Արկտիկայում և Միջերկրական ծովի արևելյան մասում: Այնտեղ նաև պնդում կա Ուկրաինայի և Վրաստանի դեմ «Մոսկվայի ագրեսիայի» մասին:

«Երկարաժամկետ հեռանկարում՝ մինչև 2030 թվականը, Ռուսաստանը, հավանաբար, կմնա Հյուսիսատլանտյան դաշինքի հիմնական ռազմական սպառնալիքը»,- ասում են զեկույցի հեղինակները:

Նրանք կարծում են, որ ՆԱՏՕ-ն պետք է երկկողմանի մոտեցում պահպանի Ռուսաստանի նկատմամբ, որը բաղկացած է ինչպես «զսպումից», այնպես էլ երկխոսությունից: Բացի այդ՝ դաշինքին առաջարկվում է բաց մնալ խաղաղ համակեցության քննարկման համար և դրականորեն արձագանքել ռուսական կողմի դիրքորոշման «կառուցողական փոփոխություններին»: