ԵՄ-ն «ափսոսում է» Միջերկրական ծովում Թուրքիայի կողմից անօրինական գործողությունների շարունակության համար

Եվրամիությունը խորապես ափսոսում է Միջերկրական ծովում՝ Հունաստանի և Կիպրոսի տարածքներում, Թուրքիայի ապօրինի գործողությունների շարունակության համար և Անկարային կոչ է անում զերծ մնալ դրանցից ու երկխոսություն սկսել: Այս մասին ասվում է ԵՄ արտաքին քաղաքականության գերատեսչության հայտարարության մեջ. հայտնում է ՏԱՍՍ-ը:

«NAVTEX-ի վերջին ծանուցումը և Թուրքիայի շարունակական սեյսմիկ հետազոտությունները, որոնք ազդում են Հունաստանի և Կիպրոսի օֆշորային տարածքների վրա, խիստ ափսոսալի են, հատկապես՝ հաշվի առնելով երկխոսության համար բոլոր մակարդակներում հարթակ ստեղծելու շարունակական կառուցողական ջանքերը», - ասվում է ԵՄ հայտարարության մեջ: