Իրանի արտգործնախարարությունը հիշեցրել է Սոլեյմանիի սպանության համար Թրամփի պատասխանատվությունը

ԱՄՆ նախագահ Դոնալդ Թրամփը չի կարող խուսափել դատարանից՝ իրանցի գեներալ Ղասեմ Սոլեյմանիի սպանության համար: Այս մասին նոյեմբերի 10-ին հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն:

«Մենք համաձայն չենք, որ այս հանցագործության մեջ ներգրավված անձինք, հատկապես՝ Թրամփը՝ որպես գլխավոր մեղավոր, կարող են անձեռնմխելիություն ստանալ և խուսափել քրեական հետապնդումից՝ միջազգային իրավունքին համապատասխան»,- ISNA գործակալությունը մեջբերում է նրա խոսքերը:

Իսլամական հեղափոխության պահապանների կորպուսի էլիտար ստորաբաժանումների  ղեկավար, գեներալ Ղասեմ Սոլեյմանին սպանվել է 2020-ի հունվարի սկզբին Իրաքում ԱՄՆ օդային հարվածի արդյունքում: