Մինսկում նախապատրաստվում են սադրանքներ․ ՆԳԳՎ պետ

Մինսկի ՆԳԳՎ պետ Իվան Կուբրակովը կոչ է արել Մինսկի բնակիչներին չմասնակցել չարտոնագրված փողոցի ակցիաներին եւ նախազգուշացրել է նախապատրաստվող սադրանքների մասին, հաղորդում է Sputnik-Բելառուս-ը։

Այսօր ՆԳՆ-ն տարածել է Մինսկի ոստիկանապետի տեսաուղերձը։

«Երկու շաբաթվա ընթացքում Մինսկիում անցկացվում են չարտոնված զանգվածային միջոցառումներ, որոնց ընթացքում վնասվում է քաղաքի ենթակառուցվածքը, կոմունալ սեփականությունը եւ քաղաքացիների ունեցվածքը, այդ թվում՝ հրկիզման եղանակով»,-հայտարարել է Կուբրակովը։

«Նրանց նպատակն անկհայտ է՝ ապակայունացնել իրավիճակն ու քայքայել հասարակությունը»,-ասել է նա։ «Այդ գործընթացի կազմակերպիչներն օգտագործում են մարդկանց, ներքաշում նրանց մասնակցել անօրինական զանգվածային միջոցառումներում դրա բոլոր հետեւանքներով»,-հավելել է նա։

«Մենք տիրապետում ենք տեղեկատվության նախապատրաստվող սադրանքների մասին, եղե՛ք խելամիտ եւ զուսպ, կա՛նգ առեք, պաշտպանե՛ք ձեր երեխաներին չմտածված գործողություններից»,-ասել է Մինսկի ոստիկանապետը։